ڕێکخراوا نێڤدەولەتیا کۆچ (ئای. ئۆ. ئێم) ب ئامادەبوونا ئەندازیار (عبدالرحمان سەدیق)  سەرۆکێ دەستەیا ژینگەها هەرێما کوردستانێ، پەنەڵەکێ تایبەت ب لایەنێن جیاواز یێن کەشوهەوایی ڤە ل باژێرێ هەولێرێ ڕێکخست.
هەژیە بێژین؛ ل دویف وێ بانگێشتنامەیا بۆ ڕێکخراوا (مەنگ) یا ژینگەهەک ساخلەم و گەشەپێدانا جڤاکی ل باژێرێ زاخۆ هاتی، ئەوان ب گرنگ زانی مامۆستایێن زانکۆیێ لگەل وان پشکداریێ د ئەڤی پەنەڵیدا بکەن.
ژ زانکۆیا زاخۆ بەرێزان (ديمن زهير جقسي) مامۆستا ل کۆلیژا ئەندازیاری پشکا شارستانی و ژینگەهـ  و (سارا ایوب حسن) مامۆستا ل پشکا ژینگەهـ پشکدارببوون. 

 د کۆنفڕانسیدا؛ تێدا چەندین کەس و لایەنێن بوارێ ژینگەهـ و کەشوهەوایی پشکدارببوون و هزر و بۆچوونێن خۆ ئێخستنە بەر چاڤ، هەروەسا چەندین بابەتێن گرنک وەکی: ئەرکێ حکومەتێ، ڤەکۆلینێن زانکۆیان، ڕێکخراوێن ژینگەهـ پارێزی، چاڵاکییێن لاوان، هاریکارییێن کەرتێ تایبەت..هتد، هاتنە بەحسکرن و گەنگەشە لسەر هاتە کرن.